 |
|
|
|
|
|
|
 |
|
|||||
 |
Atsegin handiz aurkezten dizuet Euskadiko eremu publiko nahiz pribatuko artxibo, liburutegi eta dokumentazio-zentroetako profesional talde heterogeneo batek, talde-proiektu gisa, garatu duen lanaren emaitza. Denbora da Aldeen lan-taldeak abian jartzeko ideia haintzat hartzen ari ginela, beste toki batzuetan ere (Andaluzia, Katalunia) emaitza oso onak ematen ari dena. Hainbat faktore bat etortzeak lagundu du oraingoan posible izatea. Azkenean, beren ideiak, ezagutza eta denbora emateko prest dauden pertsonak dauzkagu, helburu komuna lortzen ahalegintzeko bidean: gure lanbidea duin bihurtzea eta Euskadiko artxibo, liburutegi eta dokumentazio-zentroen etengabeko hobetzearen eta profesionalizazioaren alde lan egitea, alajaina! Bestalde, talde honen lanak bide berriak irekitzea espero dugu. Egun profil profesionalari buruzko lan-taldea denak, beste talde batzuei bidea ireki diezaioke, hala nola, enpresetako informazio-zerbitzuetan, tokiko artxiboetan, liburutegi publikoetan edota lan egin daitekeen beste hainbat gaietan interesa dutenei. Oraingoz proiektu eta jarduera ugari eta interesgarriak daude egiteko, besteak beste: nor da nor informazioaren eta dokumentazioaren arloan Euskadin; euskal enpresa dokumentalen direktorioa; profil profesionalari buruzko jardunaldia; lan zientifikoak argitaratzeko eta zabaltzeko bidea abian jartzea; profesionalen arteko topaketak bultzatzea eta lan egiten dugun zentroetako ekimenak partekatzea; kategoria eta funtzioei buruzko gutxieneko proposamenak egitea administrazio, sindikatu eta enpresekin adosteko; kalitateko prestakuntza sustatzea… Bukatu aurretik, ohartarazi nahi zaituztet gure eremuan bizitzen ari garen une erabakigarriaren gainean, batetik, Liburutegien Legearekin, eta, bestetik, Euskadiko Liburutegi Nazionalaren eta Euskadiko Artxibo Nazionalaren proiektuekin. Profesionalok ezin dugu garrantzi horretako proiektuetatik at gelditu. Eta besteen aurrean aurkeztu baino lehenago, gutxieneko irizpide komunak eztabaidatu, bateratu eta definitu behar ditugu. Zure lankidetza behar dugu proiektu asoziatibo hau aurrera ateratzeko. Anima zaitez parte hartzera!
|
 |
|
|||
 |
|
|||||
 |
 |
 |
|
|||
 |
|
|||||