Belaunaldi baten erretiroa

Hondarribiako Udal Liburutegiaren sortzaileak, Kote Guevarak, erretiroa hartu du eta zurekin partekatu nahi dugu "Bidasoako Hitza" egunkarian berriki egin dioten elkarrizketa, bere ibilbidea, hamarkada haietako liburuzain gehienen oso antzekoa delako eta gure historia profesionalaren parte baita

Euskadiko Udal Liburutegi gehienak XX. mendeko 80ko hamarkadan sortu ziren, horietako asko liburutegi-prestakuntzarik gabeko profesionalekin. Horregatik, hain zuzen ere, lanbidean hasi berri ziren liburuzainak prestatzeko asmoz, hamarkada haren amaieran, profesional horietako batzuek gaur egun ALDEE elkartea dena sortu zuten.

Azken hamarkadan, eta bereziki azken bost urteetan, gure liburutegi publikoak sortzeko eta kudeatzeko giltzarri izan diren profesionalak erretiroa hartzen ari dira, eta ALDEEn belaunaldi aldaketa horren lekuko izaten ari gara.

Erretiroa hartu berri duela eta, Kote Guevara, Hondarribiko Udal Liburutegiko lehen arduraduna, elkarrizketatu dute Bidasoako Hitza egunkarian. Koteren testigantza zurekin partekatu nahi dugu, bere ibilbidea, hamarkada haietako liburuzain gehienen oso antzekoa delako eta gure historia profesionalaren parte baita.