30. urte zurekin!

Aurten zurekin ospatu nahi dugu, eta egoerak orain arte bezala ospatzeko trabak jarri dizkigun arren, distantziak distantzia, baditugu elkarrekin ospatzeko baliabideak. Bideo bat eta argazki-mural eder bat prestatu nahi genituzke, zuek, 30 urteko bidaia hau posible egin duzuenok, protagonista izan zaitezten.

2020a urte berezia da ALDEErentzat: gure Elkarteak 30 urte bete ditu. Zoritxarrez, guztiontzat, urte ahaztezina izango da: COVID-19a gure bizitzen parte da orain, 2020ko martxoa dugu aldaketaren mugarri, eta ondorioak pairatzen ari gara. 

Pandemiak gure egunerokotasuna goitik behera aldatzen ari diren ondorio eta murrizketak ekarri ditu: maite ditugun pertsonen galera, murrizketa sozialak, lan-arazoak… Beste zailtasun batzuen artean, 30. urteurrena nahiko genukeen bezala ospatzea eragozten digu: hitzaldiak, eztabaidak, tailerrak, kafeak eta afari/bazkari bat zurekin batera, jardunaldi profesional batzuen barruan. Egin nahi genituen birtopaketek itxaron egin beharko dute.

Baina elkartu eta besarkatu ezin izateak ez du esan nahi elkar ikusi eta dibertitu ezin garenik. Gustatu al zitzaizun batzar berriaren aurkezpen-bideoa? Bada, beste bat prestatu nahi genuke, zuek, 30 urteko bidaia hau posible egin duzuenok, protagonista izan zaitezten. 

Parte hartzeko, bidal iezaguzu zure bideo bat (gogoratu, jarri mugikorra horizontalean), eta bertan hitz egin ALDEEri buruz: zergatik elkartu zinen, zer ekarpen egiten dizun… Beldur eszenikoa duzun horietakoa bazara, ALDEE30en logoarekin ateratzen zaren argazki bat bidal diezagukezu.

Bidal iezaguzu zure ekarpena idazkaritza@aldee.eus helbidera 2020ko azaroaren 6a baino lehen, gai honekin: zorionak ALDEE.