Basterretxearen unibertso pertsonalera gerturatu gara

2024ko bisita profesionaletan Euskal Herriko bi artista handiren jaiotzaren mendeurrena baliatu nahi izan dugu euren artxiboak ezagutzeko. Maiatzaren 17an Gasteizen izan gara Artium Museoan Nestor Basterretxearen artxiboan eta urrian Hernanin elkartuko gara Chillidaren artxiboaren nondik norakoak jasotzeko.

Elena Roseras, Artium Museoko Liburutegiko zuzendariaren eskutik, Basterretxea familiak Euskal Herriko Arte Garaikidearen Museoari, Artium Museoari, emandako Nestor Basterretxearen artxibo baliotsua ezagutzeko aukera izan dugu, baita Artium Museoan artxibo horren inguruan ikusgai jarri den erakusketa bisitatzeko parada ere.

Rosaresek sarrera hitzaldi batean Basterretxearen artxiboaren nondik norakoak azaldu dizkigu eta Artium Museoaren webgunean sortu duten atal berria aurkeztu zigun bertan dauden edukietako batzuk nabarmenduz: https://nestorbasterretxea100.artium.eus/eu/

Ondoren, Nestor Basterretxea. Artxiboa izeneko erakusketa bisitatu genunen. Erakusketa horretan artistaren hianbat dokumentu, zirriborro eta proiekturen maketak ikus daitezke. Irailaren 29 arte egongo da ikusgai.