Bueltan gara
- Mota
- Gertakariak. Kurtsoak
- Data
- 2024 Abuztua 26
Abuztuko etenaldiaren ostean, bueltan gara udazkeneko formazio eskaintza interesgarri honekin eta datozen hilabeteetan sortuko diren erronka berriei eusteko gogotsu.
Alde batetik, katalogazioan sakontzeko MARC 21 formatuan katalogatzea izeneko ikastaroa emango dugu irailaren 17tik 19ra Estibalitz Zubiaur adituaren eskutik Gasteizen euskaraz.
Bestetik, ekainean arrakasta handiz egin dugun bildumaren kudeaketari buruzko ikastaroa osatzeko formazioa eskainiko dugu Alex Gurrutxaga eta Asun Agiriano adituen eskutik, irailaren 27an Tabakaleran, euskaraz hau ere: Bildumaren kudeaketa II: Literaturak bibliotekara begiratzen duenean.
Urriaren 11n, berriz, Chillida Leku Museoa eta artxiboa ezagutzeko bisita profesionala izango dugu eta, azaroaren 7an eta 8an, digitalizazioan murgilduko gara José Valderrey adituaren eskutik: Digitalización en Archivos y Bibliotecas. Conceptos básicos y procedimientos.