Fikzio digitalaren jolas-eskaintza zabala ezagutu eta jolastu dugu

Lucas Ramada Prieto aditua Errenteriako Liburutegian izan da 3 eguneko formazioa ematen. Liburutegietan kalitatezko fikzio digitalak izan beharko zukeen lekuaz aritu gara eta bertatik bertara ezagutu eta probatu ditugu hainbat eta hainbat joko.

Harrigarria eta argigarria izan da Lucas Ramada Prietok eman duen ikastaroa: "Jolastea garrantzitsua da: Haur eta gazteentzako fikzio digitala eta bitartekaritza kulturala". 

ARGIA aldizkarian kaleratutako elkarrizketan adierazitakoa nabarmendu zen ikastaro honetan eta horrekin laburbiltzen da bertan jasotako ikasgai nagusia: "Bitartekaritzarik gabe oso zaila da ezer aldatzea, kontsumo inertziek batez besteko bideojokalari mota bat eraiki dutelako. Ez dugu nahi liburutegira joatea kanpoan dauden dinamikak betikotzen jarraitzera, hautematen ditugun problematikak anplifikatzea bezala litzatekeelako. Beste era batera joka dezaten nahi dugu, baina horretarako bestelako jarrera, gaitasun edo begirada behar dira, eta industriak errotik moztu dizkigu. Horregatik da beharrezkoa bitartekaritza. Berdin dio liburutegiko apal batean arte-liburu zoragarri bat edukitzea, inork ez badaki non dagoen edo hura nola baliatu. Ba bideojokoekin berdi".

Elkarrizketa horretan topatuko dituzue Ramadak gomendatutako hainbat jokori buruzko iruzkinak ere.