Japoniako tekniketara gerturatze bat
- Mota
- Gertakariak. Kurtsoak
- Data
- 2025 Ekaina 2
Gipuzkoako Foru Aldundiaren laguntzarekin ikastaro berezi hau antolatu dugu aurten Gipuzkoako Probintziako Artxibo Historikoan: "Japoniako zaharberritzearen hastapenak eta mendebaldeko ondare bibliografiko eta dokumentala zaharberritzeko egokitzapenak". Ikastaroa emateko estatuan honetaz gehien dakien profesionala ekarri dugu: Luis Crespo. Goi mailako ikastaroa izan da eta parte hartu duten ikasleentzat oso garrantzitsua.
Oso gutxitan antolatu du ALDEEk hain ikastaro berezia profesional talde txiki batentzat, baina oraingoan Gipuzkoako Foru Aldundiaren laguntzari esker egin ahal izan dugu, bete-betean inplikatu baitira honetan Gipuzkoako Foru Aldundiko artxibozain Ramón Martín, Asier Catalán eta Nahia Agirre.
ALDEEn ohi dugun moduan, ikastaro honetarako ere goi mailako aditu bat kontratatu dugu, profesional handia estatu mailan gai honetan eta pertsona hobea: Luis Crespo.
Profesional talde txiki eta hautatu batentzako ikastaroa izan da, jakitun baikinen zaharberritzeari buruzko ezagutza horiek oso garrantzitsuak ziren haientzat.
Guztira hiru egun oparo izan dira, 20 orduko prestakuntzarekin, Japoniako zaharberritze kulturan murgilduak, eta balorazioak ezin hobeak izan dira, balorazio galdetegian idatzi diguten hau da horren adibide: "Urteak daramatzagu Iparraldean horrelako ikastaro bat egin ahal izateko zain, eta Luis Cresporen honekin hastea lehentasun bat zen. Uste dut denok behar genuela. Artxibo-instalazio hauetan egin ahal izatea luxua izan da".