Sare sozialetarako ikus-entzunezko edukiak

Gure informazioa sare sozialetan argitaratu aurretik egin beharreko antolakuntza eta edukien hautaketa kudeatzeko ikastaroarekin hasi dugu urte berria. Juan-José Boté-Vericad adituak emandako formazio honetan sare sozialak kudeatzeko tresnak ezagutzeko aukera izan dugu.

Bilboko Azkuna Zentroko Mediatekan egin den ikastaro honetan, besteak beste, antolaketa-zereginen kudeaketa landu, tresna digitalak hautatzeko eta erabiltzeko moduak ikusi, edukiak sare sozialetan programatzeko eta argitaratzeko baliabideak eskuratu, doako irudi-bankuak ezagutu, eta irudiak adimen artifizialaren bidez sortzeko baliabideak ikusi ditugu.

Ikastaro teoriko-praktikoa izan da eta parte-hartzaileek amaieran liburutegi bateko jarduerak iragartzeko bideo bat egin behar izan dute, horretarako, ikastaroan ikasitako baliabideak erabiliz.