Zuzendaritza batzorde berria osatzeko behar zaitugu

2019ko martxoaren 23an abiatu zen legegintzaldiak aurrera darrai. Nahiz eta, ohi bezala, iaz kide berriak sartzeko aukera eskaini, Zuzendaritza Batzordeak ez zuen aldaketarik izan 2021ean. Aurten, 2022tik 2024ra bitarteko legegintzaldirako batzorde berria eratze aldera, honetan parte izateko aukera duzue bazkideek.

Funtsezko jarduera interesgarri asko egin ditugu urte hauetan, elkartegintzaren, lanbidearen eta bazkideen alde. Gogotsu jarraitzen dugu lanean ALDEEren sendotasuna eta kohesioa  indartuz.

Honenbestez animatzen zaitugu, ALDEEko kide hori, batzorde honetan parte hartzeko izena eman dezazun, elkartean zure ekarpenak eta lanerako borondatea ziur beharrezkoak izango direla-eta. 

Hurrengo Batzar Orokorra apirilaren 2an izango denez, zure hautagaitza proposamena bidal ezazu, mesedez, otsailaren 1a baino lehen  aldee@aldee.eus helbidera.

ALDEEk egindako lanari buruz hautagai-zerrendei edo erroldari buruz zalantzarik baduzu, jar zaitez gurekin harremanetan eta zure galderak erantzungo ditugu atsegin handiz: aldee@aldee.eus edo 605 715 007.