Bildumaren kudeaketa I. : Bilduma osatzeko eta xahutzeko irizpideak liburutegian

Irakaslea

Helburuak

Ikastaro hau batez ere liburutegi publiko, unibertsitate-liburutegi, eskola-liburutegi eta bestelakoetan jardunean dauden profesionalentzat da.

Helburu hauek bete nahi dira:

• Liburutegi-bildumaren politika ulertzea, bildumak haztearekin, antolatzearekin eta balioestearekin lotutako erabakien eta prozesuen multzo koherente gisa, liburutegiaren berariazko eginkizunen esparruan.
• Hautatzeko eta eskuratzeko informazio-irizpide, -metodo eta -baliabide nagusiak ezagutzea.
• Berrikusteko, mantentzeko eta xahutzeko metodo eta prozesu nagusiak ezagutzea.
• Liburutegi-bildumak garatzeko politikari buruzko dokumentu bat idazteko metodoa ezagutzea.

OHARRA: Bildumaren inguruko bigarren ikastaroa, Bildumaren kudeaketa II: Literaturak liburuei begiratzen dienean: irakurketatik bibliotekara izenekoa, irailaren 27an egingo da leku berean baina euskaraz Asun Agiriano eta Alex Gurrutxaga literatura adituen eskutik. Bertan, literatur-bildumez jardungo dute bi adituek: haur- eta gazte-literatura bildumaz ariko da Asun Agiriano Arrasateko bibliotekaria eta haur-literaturan aditua, eta, helduen literaturaz Alex Gurrutxaga, Euskal Herriko Unibertsitateko Hizkuntzaren eta Literaturaren Didaktika Saileko irakaslea.

Bi ikastaroak osagarriak izango dira, baina biak edo bietako bakarra egin ahal izango da.

Programa

Eguna	Gaiak
Ekainak 19	Bildumak garatzeko politika definitzea.
Ekainak 19	Barneko eta kanpoko baliabideak, argitalpen- eskaintza analogikoa eta digitala, liburutegiko lankidetza.
Ekainak 19	Bildumaren arkitektura: bildumak garatzeko politikaren dokumentua.
Ekainak 20	Erabiltzaileen komunitateen beharrak bildumarekin lotuta: ezagutza eta analisia.
Ekainak 20	Eskuratzeko irizpideak eta metodoak.
Ekainak 20	Hautatzeko irizpideak, metodoak eta informazio-baliabideak.
Ekainak 21	Bilduma eta xahuketa, eta berrikustea eta mantentzea.

Programa jeitsi

Lankidetzak

Ikastaro guztiak
ikusi