Informazio-guneak ezagutzaren gizartean

Egina

Irakaslea

Helburuak

Hitzaldiaren helburua, artxibo, liburutegi eta informazio-zerbitzuek ezagutzaren gizartean izan dezaketen lekuaren inguruko hausnarketa egitea da, hau da, gizarte honetan izan ditzakegun mehatxu eta aukerei erantzuteko gaitasunaren inguruko gogoeta. Bertan, informazio-zentroetan proposatzen diren zenbait eskaera, erronka eta aukera aurkeztuko dira, horiek guztiak agertu berri diren sei errealitateri oso lotuak baitaude: informazioaren teknologiak asko erabiltzen dituen gizarte saretua, irakatsi eta ikasteko eredu berrien agerpena, ezagutzaren kudeaketa erakunde publiko eta pribatuetan, enpresen lehia-adimena, gobernua eta administrazio elektronikoa eta informazioaren berrerabilpena.

Programa

Bertaratukoei informazio- eta dokumentazio-mundutik ematen ari diren zenbait erantzun aztertzeko eskatuko zaie, errealitate horiek bultzatzen dituzten joerekin eta ezaugarri gisa dituzten dimentsioekin duten koherentzia kontutan hartuz. Informazio-gune orok, bere helburuak lor ditzan, biziraun dezan eta gizarte- eta ekonomia-errentagarritasuna izan dezan, hein handi batean, plan estrategiko bat sortzeko gaitasuna izan behar du, bai eta bere antolamenduarekin koherentea izango den, gertuen duen ingurunera egokitua dagoen eta, bereziki, dimentsio anitzetan jasangarria izango den proiektua gauzatzeko gaitasuna ere. Azkenik, artxibozain, liburuzain eta dokumentalistei, ezagutzaren gizartean ezinbesteko protagonista izateko exijitu behar zaizkien profil eta gaitasunen inguruko hausnarketarekin amaituko da aurkezpena. Hala, jada baditugun gaitasunak hobetu, sakondu, aplikatu, saldu eta erabiltzera ausartzea, etengabe beste gaitasun batzuk (gehienetan lanbide horietarako ezinbesteko ez direnak) eskuratzen aritzea baino garrantzitsuagoa dela ikusiko da. Hizlariak, gai horien guztien inguruan eztabaidatu eta hausnartzera gonbidatuko ditu bertaratutakoak.

Ikastaro guztiak
ikusi