Irakurketa Erraza: irakurketa eta ulermena dinamizatzea

Irakaslea

Helburuak

Ikastaro hau liburutegian IE taldeak abian jarri eta dinamizatu nahi duen liburutegietako profesional mota guztiei zuzenduta dago.

Helburu nagusia IE materialekin irakurketa dinamizatzeko gaitasunak eskuratzea da eta, irakurtzeko edota ulertzeko zailtasunak dituzten kolektiboei zuzendutako saioak dinamizatzen ikasiko dugu:

• Aldi baterako zailtasunak dituztenak: etorkinak, analfabetismo funtzionala, hizkuntza berria ikasten dutenak (euskara eta gaztelera), eskolatze gutxikoak, istripuak, irakurtzen berandu hasi direnak, hainbat arrazoirengatik irakurketa baztertu dutenak…
• Zailtasun iraunkorrak dituztenak: desgaitasun intelektuala, dislexia, hizkuntzaren nahasmenak, arreta nahasmenak, ikasketa nahasmenak, afasia, autismoa, osasun mentalaren arloko gaixotasunak…

HELBURU NAGUSIAK:

• IE materialen erabileran trebetasuna lortzea.
• IE materialetatik abiatuta ekintzak diseinatzeko metodologia ematea.
• IE materialekin irakurleen artean irakurketa eta ulermena bultzatzeko dinamika eta teknika zehatzak ematea.
• IE materialak irakurleen ezaugarri zehatzen arabera erabiltzeko trebetasuna lortzea.

 

Programa

Saio bakoitzean hauxe landuko da: azalpen teorikoak, materialak aurkeztea eta aztertzea, iritziak eta zalantzak partekatzea… Hori guztia, ikus-entzunezko baliabideez lagunduta. Beraz, saioak esperientziak mahairatzeko eta partekatzeko espazioa izango dira. Parte-hartzaileen behar zehatzetara egokitzen diren ariketa praktikoak egingo dira.

Ikastaro praktikoa: Eman beharreko teoriaz gain, lehenetsi egiten da praktikoa izatea; alegia, xedea da ikasleek eskuratzea zenbait irizpide, estrategia eta tresna, gero eguneroko lanean balia ditzaten.

Honako gai nagusiak jorratuko dira:

• Irakurketa erraza eta irakurtzeko ohitura sustatzea.
• Materialak Irakurketa Errazean. Motak.
• IE erabiltzea irakurtzeko zailtasunak dituzten kolektiboekin.
• Irakurketaren dinamizazioa: Irakurketa Errazeko taldeak.
• Talde motak eta antolamendua.
• Saioak eta dinamikak nola gauzatu.
• Irakurle motaren arabera egokitzea.
• Irakurketaren aurretik, bitartean eta ondoren erabiltzeko baliabideak.
• Lanketa praktikoa: IE titulu baterako saioak prestatzea.
• IE talde bateko saio baten praktika egitea.

 

Eguna	Saioa	Gaiak
Apirilak 20	1. saioa	- Irakurketa erraza eta irakurtzeko ohitura sustatzea. - Materialak Irakurketa Errazean. Motak. - IE erabiltzea irakurtzeko zailtasunak dituzten kolektiboekin. - Irakurketaren dinamizazioa: Irakurketa Errazeko taldeak. - Talde motak eta antolamendua. - Saioak eta dinamikak nola gauzatu. - Irakurle motaren arabera egokitzea.
Apirilak 27	2. saioa	- Irakurketaren aurretik, bitartean eta ondoren erabiltzeko baliabideak. - Lanketa praktikoa: IE titulu baterako saioak prestatzea. - IE talde bateko saio baten praktika egitea.

Programa jeitsi

Lankidetzak

Ikastaro guztiak
ikusi